Sunday, October 01, 2006

الواسطه

من يومين قريت قصيده لبيرم التونسي اسمها "الواسطه لسه شغاله"
القصيده بتقول ايه

الواسطه لسه شغاله يا رجـــــالــه
والحاله هياها الحاله في كل مكان

لفندي قال و الأسطى هيه الواسطه
في كل مركز و محطه خاتم سليمان

تشغلك وانت فراش كاتب بمعاش
وتدخلك سينما ببلاش ويا الأخوان
.
.
داء في الكنانه مـتمكن او مـتـوطـن
وجرح ضارب ومعفن زي السرطان

الله يرحمك يا بيرم

المهم اخر بيتين زي متقولوا علموا في دماغي طول النهار والليل مش سامع غيرهم وفي كل مكان شايفهم
فعلا داء متمكن زي السرطان سيطر على عقول الناس والدليل على كده الأمثال الشعبيه التي ضربت في الواسطه
والتي تدل على اقتناع الناس بالواسطه وتغلغلها في عقولهم
الي معندهوش واسطه......يركن عالباسطه
الي ليه ضهر....مينضربش على باطنه
يا بخت من كان المدير...خاله
لو نهر النيل صلصه......ميقديش الكوسه الي في البلد

وطبعا الكلام ده في كل حاجه في حياتنا لو معندكش واسطه تنداس بالجزم وحقك يضيع
طيب وايه الحل ...ايه العلاج
فكرت كتير ودورت اكتر بصراحه مش لاقي حل
حاجه تقرف
سلام

14 comments:

No Fear said...

هو مفيش ملامح حل دلوقتي بس ربنا كبير
و لا يهمك يا برنس لو عايز أي واسطة قولي
علشان ندور مع بعض متفهمنيش غلط

LAMIA MAHMOUD said...

القصيدة دي انا قريتها من كتير قوي
وكنت وقتها قي تالتة ابتدائي مثلا
طبعا مكنتش فاهماها قوي ساعتها
بس من كام يوم لقيتني بطلعها
حلو اني لقيتها هنا

mariam said...

زى متكون القصيدة مكتوبة امبارح
و الحل فى رايى هو الفضاء على الفساد

أجدع واحد في الشارع said...

مش عارف اقولك ايه بس اللى اقد اقوله ربنا معانا فى الشهر المفترج ده

3rby said...

بوست جامد جدا...انا كنت كاتب بوست قبل كده عن الواسطه بس ماحدش فهمه وقعدوا يتريقوا عليا..بس ده واضح...واختيارك للابيات المعبره ديه اختصر سطور كتير(سطور القرائة مش الذبح يا خفيف).:)

همس الليل said...

مبروك ولو انها متاخرة انا عرفت من بلوج اسكندرنية
حلو البلوج بتاعك وطريقة الكتابة بس اكتب كتير عشان الناس تيجى عندك البلوج بتمنالك كل خير
سلام

همس الليل said...

كلامك رجعنى ل3 سنين ونص ورا .....
فكرتينى وانا فى المطار بودع الانسان الوحيد اللى حبيتو ببراءة واخلاص
.
.
يومها بصيت لعنية اول مرة اشوف فى عينة دمعة... كاننا كنا حاسين انها هتكون اخر اشوف عنية ويشوف عنيا
طلعت الطيارة واخدت روحى معاها لاخر مرة كانت معايا روحى البريئة
راح وراحت معاة كل احلامى
يوم ما ديرت ظهرى ومشيت وقعت منى دموعى من عنيا ووقعت كمان حجات كتير اوى فى نفسى

المواطن المصري العبيط said...

مدونة جميلة وبساطتها أجمل ما فيها، ربنا يوفقك كده وتكبرها وتبقى حاجة عظيمة .. تحياتي

واحد من الناس said...

سعد
شكرا على مرورك

no fear
مش عايز واسطه انا واسطتي ربنا

LAMIA MAHMOUD
عرفت ان انتي مثقفه و بتقري قصايد من وانتي في الروضه هههه

mano
هو ده بيرم التونسي فنان سبق عصره

أجدع واحد في الشارع
من بقك لباب السما في ساعه اجابه يا رب

3rby
شكرا على اعجابك بالبوست بتاعي

cat_eyes
شكرا عالتهنئه

لكن الكومنت التاني ايه علاقته بالموضوع

المواطن المصري العبيط
اعتز بمرورك وياريت تكررها

واحد من الناس said...

للأسف الشديد محدش كتب اي حل
طب وبعديييين

أجدع واحد في الشارع said...

تعالو بسرعه ادعو معايا
الحق اليوم الاخير ليله القدر
وادعى معايا
وقول امين

LAMIA MAHMOUD said...

مش مسالة ثقافة من الروضة لان ده شيء بديهي ومنطقي وحتمي
ههههههههه
بس اقصد انها اثرت فيا وقتها وانا مش فاهمة حاجة بتكلم على شعر بيرم بوجه عام

Anonymous said...

صور اساحبي جديدة عن مرسي 2013
صور شرم الشيخ 2013
صور اساحبي جديدة 2013
صور و نكت اساحبى جديدة عن الصعايدة 2013
صور , نكت اساحبى جديدة عن الشباب 2013
صور , نكت اساحبى عن البنات 2013
نكت مصرية قليلة الادب 2013
صور , نكت اساحبى 2013
مشاهدة قناة 25 يناير بث مباشر
تردد قناة 25 يناير 2013
تردد قناة خمسة و عشرين يناير 2013
الموقع الرسمى لقناه مودرن سبورت modernsport
الموقع الرسمى لقناة الحياة الحمرا
ترددات قنوات النايل سات الجديدة 2013
ترددات قنوات النايل سات الجديدة بعد التعديل
كلمات اغنية "واحشني" جنات 2013
كلمات اغنية "برتاح" رامى صبري
كلمات اغنية "عيشني اكتر" جنات 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
تردد قناة الحياة الزرقاء 2013
تحميل صور شهر رمضان

Awad Elsayed said...

شركة فرسان القصيم تقدم لكم أفضل خدمات التنظيف والتعقيم وإبادة الحشرات بأحدث المعدات وادوات التنظيف وبأفضل العمالة المدربة والتي تقضي على البقع والاوساخ بكل حرفية وبطرق فعالة جدا وماكينات والات متطورة وتم استيرادها للتقديم الخدمة على أعلى مستوى.

شركة تنظيف بعنيزة

شركة تنظيف مجالس بعنيزة

شركة مكافحة حشرات بعنيزة

شركة نقل عفش بعنيزة

شركة كشف تسربات المياه بعنيزة

شركة تنظيف فلل بعنيزة

شركة تنظيف خزانات بعنيزة

شركة رش مبيدات بعنيزة
v
شركة تسليك مجاري بعنيزة

شركة عزل أسطح بعنيزة