Thursday, February 15, 2007

الإعلام الهادم


الأعلام بمختلف صوره هو سلاح ذو حدين فقد يكون وسيله لاصلاح مجتمع و حشد الجماهير تجاه فكره بناءه او قد يكون اداه لتدمير القيم وهدم الجتمع

ما رأيكم في المستوى الذي وصل اليه اعلامنا المصري والى اي نهايه يقودنا

منذ مده وانا قد ضقت ذرعا بثقافة التافهه التي حطط علينا من وسائل الأعلام خاصة القنوات الفضائيه التي انحصر مضمونها في خدش الحياء بمختلف الاساليب من برامج و افلام و بالطبع الكليبات العاريه وكله تحت مسمى الجرأه الإعلاميه وهي كلمة حق يراد بها باطل

ومنذ عدة ايام شاهدت برنامج كان بمثابة القشه التي قصمت ظهر البعير-وسيتضح انها شيء اثقل بكثير من القشه- ، كان هذا البرنامج هاله شو على قناة روتانا سينما للمذيعه هاله سرحان ذات الضحكات المستفذه و الأسلوب السوقي الذي لا يرقى الي اسلوب امرأه مثقفه يعتقد انها حاصله على الدكتوراه - وهي اعلى درجه علميه يصل لها طالب الدراسات العليا- وكان عنوان هذه الحلقه هو فتيات الليل
ولمن لم يشاهد هذه الحلقه اصف له احداثها
قامت مذيعة البرنامج هاله سرحان بأستضافة عدة بنات يفترض انهن فتيات ليل وكان محورالأسئله الموجهه لكل فتاه هي
كيف اصبحت فتاة ليل و متى ؟
ما هو متوسط دخلك ؟
لماذا تسيريي في هذه الطريق ؟
هل تعلم اسرتك بما تفعليه ؟
ناهيك عن بعض الأسئله التي تخدش الحياء من شاكلة
انت عارفه الناس في الشارع بيسموكي ايه ؟؟
تتحدث احدى العاهرات عن بدايتها قائله "وحنا قاعدين بنسكر خالاني مدام فقولت خلاص بقى ومشيت في المشوار ده" فتتنبه المذيعه العبقريه لتسأل سؤال ينم عن سفاله وهو "خلاكي مدام ازاي احكيلي"؟
و كلما قصت العاهرات موقف من حياتهن في عالم الدعاره يتبع هذا الموقف بالعديد من المشاهد الخليعه من الأفلام العربيه
ولم يقدم البرنامج معالجه لهذا الموضوع اواي حلول او مخرج لهذه المشكله المتفشيه في المجتمع المصري -على حد قول المذيعه- ولكن كل ما اظهره البرنامج ان الفساد و الانحلال والبغي اصبح شيء طبيعي في المجتمع المصري , وياليت الامر كان بدون هذه الفظاظه و جرح الحياء بقصص العاهرات
فما الفائده من اجلس امام التلفاز اشاهد عاهره تتحدث عن نفسها بكل زهو و بجاحه

ولم يتوقف الأمر عند هذه النقطه و لكن ما زاد الطين بله ما كشفته قناة المحورعن قيام قناة "روتانا سينما" بتأجير فتيات لأداء أدوار العاهرات في برنامج هلا شو مقابل مبلغ ربعمائة جنيه
حسب اعتراف تلك الفتيات في البرنامج
كما يتضح هنا
1
2

وبغض النظر عن صدقهن او كذبهن فمن تبيع شرفها لتقول انها عاهره مقابل ربعمائة جنيه من الممكن ان تفبرك كل هذه القصه و انها غرغر بها مقابل خمسمائة جنيه , وما تزال هذه القضيه امام النيابه للتحقيق فيها لذلك لن اتسرع باطلاق اي اتهامات حتى يفصل في القضيه

هذا هو اعلامنا اعلام الجنس و الفضائح قد تحول من اعلام هادف الى اعلام هادم
هادم للقيم مدمر للمجتمع و كله تحت شعار حرية التعبيرو رفض الرقابه
وحرية التعبير و رفض الرقابه حسب رؤيتي هي رغبه من مروجي هذه الكلمات لنشر ثقافة البورنو كما في الفضائيات الأوربيه و الامريكيه رغم انها في هذه الدول محكومه بقنوات معينه وسن معين بينما في دولنا العربيه الامر مفتوح على مصراعيه فبينما انت تشاهد مباراه لكرة القدم تجد اعلان عن الفياجرا باسلوب وضيع لا احب ان اصفه لأن هناك فتيات يقرأن هذا الموضوع ، او بينما انت تشاهد برنامج ما تجد اعلان يعلن عن مجموعة اعشاب للضعف الجنسي و البرود الجنسي وما شابه

ما لغرض من تدمير اخلاق المجتمع و مسح كلمة الحياء من قاموس الكلمات العربيه ومن ثم اغراقه في الشهوات وتتفيه الشباب وجعله منشغل بالركض خلف الشهوات
وما الغرض من جعل الفتاه لا يحمر وجهها خجلا عندما تسمع حوارات عن الجنس

و قد يرد البعض انه لا حياء في العلم ولا حياء في الدين
انا لا اعرف من اين جائت هذه الجمله فمن ما ذكر عن الرسول - ص
إن لكل دين خُلقًا، وخُلُقُ الإسلام الحياء
الإيمان بضع وسبعون شعبه فأفضلها لا إله إلا اللّه وأدناها إماطة الأذى عن الطريق والحياء شعبة من الإيمان
إن مما أدرك الناس من كلام النبوة الأولى إذا لم تستحِ فاصنع ما شئت

فكيف لا حياء في الدين , اما العلم فله اماكنه بين حجرات العلم المتخصصه

وختاما ومن هنا اعلن حمله بلوجريه ضد كل ما يخدش الحياء اويدمر الأخلاق
وأأمل في تضامن كل المدونين في هذه الحمله وسماع ارائهم
ولنا عوده
.
.



53 comments:

رفقة عمر said...

شكرا لزيارتك مدونتى وبجد البوست جميل فعلا وياريت باضافه مقاطعه كل مايخدش الحياء يايت كمان مقاطعه الهيافه لان فيه ناس بتعلق على مواضيع تافه جدا بصراحه بعد كدة مش بقتنع باى كلام بيقولوه لانه المفروض مستخدم الوسيله دى لاضافه كلمه ممكن تنفع حد مش مجرد التهريج والهزار من خلال التعليقات بجد بقول هما مش حاسين باللى بيحصل حوالينا ولا ايه بس ياريت تجد من يستجيب لدعوتك هذه وانا هاتابع التعليقات للى ها تيجى على البوست دة وهانشوف قد ايه هايستجيب

ROMIL said...

الاعلام تلك الاه العجيبه التي تغزو البيوت ولا تقدر ان تمنعها تقدر ان تصلك اليك حتى في فراشك
لص يسطو على الجميع

أرى انها نهاية هذه الاعلاميه المثقفه جنسيا فقط

ROMIL

يا مراكبي said...

عود حميد بعد طول غياب

ولندخل في صلب الموضوع .. فمن يتابع ما أكتبه .. يجد أنني منذ زمن طويل وأنا أتنبأ بإطلاق القنوات الإباحية العربية .. وذلك لأن لها مقدمات وإرهاصات تتزايد حدتها يوما بعد يوم

وما حدث في ذلك البرنامج ماهو إلا تطور كبير لما سبقه من برامج .. ويعد أيضا مرحلة لما سياتي بعد ذلك .. وهو الأسوأ والأسوأ

لماذا يحدث كل ذلك؟

إنه خليط من رفع الحياء من الدنيا .. وتدهور الأخلاق الطبيعي .. والبعد عن الدين .. ونظرية المؤامرة التي تحاك لنا ليل نهار كي نتدهور أكثر وأكثر ونعتمد على الغرب أكثر وأكثر .. وما أكثر الموالين لهم بيننا

كلبوزة لكن سمباتيك said...

انا ببص للي حصل ده بنظرة متفائلة
لان كل معد و مذيع حيعمل الف حساب للي بيعمله بعد الفضيحة دي

يعني باختصار
اضرب المربوط يخاف السايب
و متنساش
الحجر الداير لابد من لطه

تحياتي

mariam said...

المشكله ان هاله سرحان مش بيكون همها مناقشة القضايه بموضوعيه و ايجاد حل
و لكن كل همها مناقشة قضايا غريبه بشكل مستفز من اجل لفت الأنظار


ايه الغياب ده كله

Anonymous said...

رفقه عمر
تعليقك مشجع جدا وياريت حد يستجيب

روميل
وحياتك ولا نهايه ولا حاجه
احنا في زمن التفاهه
وكل تافه ليه ضهر بيحميه
الحل في التاس هي الي بترفع الهايف و تتطبله

يا مراكبي
ربنا يستر
بس ياريت ايدينا كلنا في ايد بعض علشان نمنع ده قبل ما يحصل

سامباتييك
شكرا على زيارتك
المشكله مش في الخداع الأعلامي
المشكله في اعلام البورنو الي بدا ينتشر و المشكله الناس بقت مبسوطه كده

mano
هاله سرحان
انا متابع هاله سرحان من يوم مبدأت في دريم الى ان طردت شر طرده
طول عمرها كده
منها لله

Carmen said...

حمد لله عالسلامة

ايه الغيبة الطويلة دى

الأعلام بمختلف صوره هو سلاح ذو حدين فقد يكون وسيله لاصلاح مجتمع و حشد الجماهير تجاه فكره بناءه او قد يكون اداه لتدمير القيم وهدم الجتمع


وللاسف ان الاعلام العربى كله دلوقتى وصل لمرحلة هدم المجتمع وقيمه ...بقى كل هم القنوات العربية ... انها تشوف اكثر البرامج الغريبة اباحية وتفاهة وتنقلها حرفيا لينا ويمكن تزود عليها شوية تحابيش كمان ... مع العلم ان الاعلام الغربى دلوقتى بيخلى البرامج مقيدة بقنوات معينة مش مفتوحة كده لكل الفئات العمرية ...وبرغم من الاعلام الغربى بيقدم برامج هادفة جدا جدا جدا خصوصا البرامج الحواربة اللى بتعتبر صوت للراى العام ...

الا اننا بنسيب ده كله وونقلدهم فى الهيافة والاباحية وخلاص


وطب فى فضيحة برنامج هالة سرحان دى موضوع تانى ....ابسط تعليق عليه الله يقرفك ...يعنى مش كفاية علينا مستحملينا قرفها وتكلفها وتصنعها مع ضيوف برنامجها العقيم ..لأ كمان جاية تعمل حاجة مسخرة زى دى ..وفى الاخر مايطلعوش بنات ليل ..لأ دول متاجرين ....


حسبى الله ونعم الوكيل

Tamer Nabil Moussa said...

هالة شو دة برنامج كل حاجة فية ماشية بالمقلوب وكلة اثارة وكلام جنسى والفاظ تخدش الحياء

وكمان مش بعيد انها فعلاا جابت بنات ودفعت ليهم فلوس عشان تعمل الحلقة اذا كان الجمهور بيجى وبيندفع لية عشان الصريخ والترحيب بأى فنان حتى لو كان ملوش شعبية
فحكاية انهم مش بنات ليل انا مصدقها نظرا لسمعة البرنامج واللى بيحصل فية

اشكرك على طرح الموضوع وكلنا فى انتظار كلمة القضاء

تحياتى

www.blogs4arab.com said...

يسعدنا تشريفك
www.blogs4arab.com

No Fear said...

السلام عليكم
هأقول أية
حسبنا الله و نعم الوكيل
سلام

ibn nasser - ابن ناصر said...

والله ماهي الهيافه وقل’ الادب بقي هو ده اللي ماشي اليومين دول وبيخدم مصالح ناس معينه , بس هنعمل ايه مافيش فايده فيهم

Anonymous said...

كل إناء ينضح بما فيه

ماذا تنتظرون من مذيعة العادة السرية
ماذا تنتظرون من إمرأة شاذة
ماذا تنتظرون غير الهيافة وقلة الأدب وقلة الحياء

اللى يغيظ أكتر هو مدافعة بعض المتنطعين من قوادي الإعلام امثال مفيد فوزى عما فعلته هالة سرحان

بنت البلد said...

كلامك سليم ورائع

ولازم كل شىء يكون لة حد

Anonymous said...

اشكر كل من علق عل الموضوع
اشكر
carmen
tamer
no fear
ibn naser
el armouty
بنت البدو

ولكن لم يقدم احد منكم اي حل فلماذا ؟؟؟

-_- said...

والله بعد موضوع هالة سرحان ده الواحد بقى مكسوف للاعلام المصري

كلبوزة لكن سمباتيك said...

اية اللي تم في موضوع هالة سرحان؟
لسة هربانة؟

أسوور said...

أنا شفت البرنامج المتخلف دة
وبصراحة معظم البرامج بتتعمل بالطريقة دى
شراء المقابلات وتحديد المتصلين بالتليفون وخلافه
لكن القضية هنا ان الربنامج لم يقدم المشكلة والمعالجة والحل بل هى مجرد برامج اثارة فقط للفرقعة الإعلامية
وعجبى

توهة said...

فى رأيى

الإعلام هو السبب المباشر الذى أودى بجيلنا فى الجب يقبع فى ظلامه ويشرب من ملح مائه


وإتهموها فى الإسلام ؟؟؟

فهو برئ من فساد بنى دم



ولكن ليس هو اساس المشكله فكلها سياسات منكبه فى طريق واحد ... طريق الإلهاء عن ماهو أفظع وأضل سيبل


وتحياااااااااااتى

توهة said...

الحل ؟؟؟؟

هل نتظاهر ؟

هل نشجب ونعترض؟


هل نكون حمله فى المدونات ضد الموضوع ؟


كلها حتبقى هوجه وحتخلض بضرب ايد هاله سرحان ويقوللها كوخ
وتتأسف ومش حتعمل كده تانى


عشان كده انا بقول انها سياسة دوله محتاجه تتصلح من الجذور


تعرف الإعلام الحلو الهادف بيضلل من غير ما يحس

أبسطها كل البرامج فى قتره فاتت إتكلمت عن البهائيه مع انه موضوع من ايام التمانينات بس السياده العليا أثارته الارن بالذات كوسيله للإلهاء



والحل يكمن فى الاساس

يعنى انقلاب ؟؟؟؟

معرفش .... يمكن يكون الحل


أما بالنسبه للحلول اللحظيه
هى اللى قولتها فوق
مع زيادة عدد القنوات الدينيه
بس............ ؟



وتحيااااااااااتى

أجدع واحد في الشارع said...

حمدلله على السلامة

ايه يا عم هو انت اول لما ترجع كده تدخل بموضوع جامد كده

محدش عارف من الصدق ومين الكداب

!!!!!!!!!!!!

raspoutine said...

واحد من الناس انا بصراحه عايز اقول موضوعك ممتاز جدا
بس انا بصراحه برضو كنت جايلك عشان حاجه تانيه خالص
ممكن تكون سمعت عن لقاء المدونين اللى بنعمله كل الشهر والجمعهالجايه لاء اللى بعدها هيكون اللقاء التالت ان شاء الله وكنا عايزينك معانا فكر ورد عليا ويشرفنا انك تكزن معانا
لازم نلم الشمل



ايمن فاروق

واحـــد مـــــن الـنـــاس said...

موضوع في الجون يا باشا والله
من اجمل المواضيع اللي قرأتها في الفترة الاخيرة

شــــمـس الديـن said...

السلام عليكم و رحمة الله و بركاتة

ما هو معلش احنا نفسنا اللي بنعمل من اللا شئ شئ

يعني واحدة زي هالة سرحان دي مين اللي عملها ؟؟؟ ما هو الجمهور

الموضوعات التعبانة اللي فيها لعب علي موضوع الجنس مين اللي عملهم ؟؟؟ ما هم الجمهور ... واحد معدوش اي فكر ولا اي شئ و ممكن اقول عندة عقد بشعة زي علاء الاسواني دا مين اللي عملة منه حاجة و هو في رأيي الشخصي ولا حاجة و ناس كتيرة كتبت يمكن قصص احسن منه و فيها قيمة افضل من اللي عاملها الف مرة بس هو علشان الكام كلمة ولا مشهد ساخن اللي بيحطهم خلص ...اعاملة بقت قيمة و ناخد منها العبرة و العظة ...

و اللي يعترض يبقي متخلف و ياي مش متحضر و ايه يعني ما دي حاجة عادية بتدقي عليها ليه و لا متضايقة منها ليه

فيه قيمة مهمة جدا سواء في الاعلام الدنئ او الاغاني الوقحة ...هو التشدق بقيمة الحرية الغير مقننة و انه مفيش اي اي نوع من انواعالقيوم و الا لو اتكلمت كدا تبقي متخلف ... ادينا بنعاني من ويلات الامر الغير مقنن

مش عارفة حل الموضوع دا ايه و لكن العيب مشترك بين المشاهدين و بين الجمهور ... لان الجمهور لو ببساطة قاطع كل هذه التفاهات ... مش هيكون ليها شسوق ... بس كلامي دا اقرب الي الخيال لان دي عمرها ما كانت طبيعة البشر ... يبقي الحل في الرقابة الواعية

لكن اعتقد انه مخطط لاغراق الشعب اكثر في ما هو فيه علشان ميعرفش ايه هو الخطر و العدو الحقيقي اللي بيواجهه

معلش علي اسلوبي لو كان منفعل قليلا و لكن الامر فعلا فاق الحد ..

مقالة جت علي الجرح .

IBN BAHYA - إبــن بهيـــــــــــــة said...

موضوع الإعلام من أخطر الموضوعات بالطبع إن لم يكن أخطرها على الإطلاق وكلامك صحيح وستجد الكل معك بالطبع، بيد أن الموضوع يحتاج إلى ترتيب وتنسيق مع أكبر عدد من المدونين للقيام بهذه الحملة المحترمة

أرق تحياتي

No Fear said...

السلام عليكم
هتذلنا بمواضيعك و لا أية يا عم
مختفي ليه

35L said...

السلام عليكم.....لقد افتتحت مدونة جديدة.....رجاء الاطلاع عليها و ترك تعليقات حتى أعرف هل أستمر أم لا؟.....أنا لست مدون جديد....و لكنى أغير وجهتى فى الكتابة.....شكرا

عازفة الكمان said...

عندك حق ........

واحد من الناس said...

Sharm
اهلا بيكي في المدونه

Sampateek
والله مش مستاهله ان الواحد يسال
عنها
بس انا عرفت ان القضيه هتكون في ابريل القادم

ياسمين
نورت المدونه
الهدف من البرامج دي هو تدمير المجتمع
بنييه او بدون نيه

توهه
لا تعليق على تعليقك
تحليل سليم مائه بالمائه

أجدع واحد في الشارع
الله يسلمك
لو مش عارفين مين الصادق ومين الكاذب
على الأقل عارفين ايه الي ينفعنا و ايه الي بيضرنا

raspoutine
المدونه منوره بيك
وبالنسبه للقاء ده مش محتاج تفكير
بأذن الله هاحاول اكون موجود بس المكان فيين؟؟

واحـــد مـــــن الـنـــاس
شكرا عالكلام الجميل ده

IBN BAHYA
لم ار حتى الان من اهتم بهذه الحمله الا القليل جدا جدا جدا

No Fear
انا بكتب لما يكون للكلام لازمه
وبالراحه شويه في الرد

35L
انا زرت مدزنتك الجديده و الرد هناك

rasha
بجد والله !!!!!!؟؟

35L said...

موضوع هايل يا باااااااااشا

نبض اسكندرية said...

على

الفساد شاع فى البلد خلاص من الاعلام للصحافة للسياسة

لنا الله

ولكن
نعيب زماننا والعيب فينا
وما لزماننا عيب سوانا

اكيد ربنا ابتلانا بالاشياء دى كلها
عشان احنا نفسنا ظلمنا انفسنا

فاربنا ابتلانا بكدة

ولكن حتى يغيروا ما بانفسهم

بس فى الاخر اقولك

سهل انك تطرح مواضيع والاسهل انك تلاقى ردود

لكن من الصعب قوى انك تلاقى حلول

تحياتى ليك

FTM said...

اللى هيحصل بالنص زى ما ناس كتير قالت و توقعت انة هتعدى أيام و الموضوع هيتنسى و هترجع تقدم برامج تانية ..لكن الموضوع ما يعديش بالساهل طول ماحنا نصمم اننا ما ننساهوش..هى فكرة خيالية يمكن , لكن احنا اتعودنا او عودونا اننا ننسى بسهولة

تحياتى

Music Gates said...

للاسف احنا بنعاصر وقت الناس بتستخدم فيه التسابق للظهور لاكن مش بشكل متماثل باخلاقيات لا هما بيستخدموا فكرة الحرب الي كل حاجه فيها مسموحه الي عايز يوصل للي هو عاوزه يبيع مبادئه او يبيع اخلاقه للوصل و هكذا دي مصر لا ده حال العالم كله خلاص احنا بنحاول اننا نبدا التصليح و كفاية ااننا بنبداء من نفسنا و ده شئ ايجابي اننا مش مستسلمين للوحش

35L said...

ايه يا بااااااااااااشا.....أنا أدعوك مرة تانية لزيارة مدونتى.....شكرا ليك يا معلم.....موضوعك فى الجون
bicapoo2@hotmail.com

كلبوزة لكن سمباتيك said...

ايه ده انت فين كل ده


مخصوم منك كومنتين

شــــمـس الديـن said...

هو انت مخاصمني او متضايق مني ؟؟؟

ولا تعليقي مش عجبك ؟؟؟ اصلي بحب اشوف رد صاحبا لمدونة علي تقليقي ولا قيتك اسقط انك تعلق علي ردي ولو حتي بكلمة

علي العموم انا بحترم مدونتك جدا و لو كان تعليقي طويل و بيضايقك هكتفي بالقراءة دون تعليق :)

دمت في حفظ الله

Anonymous said...

نبض اسكندرية
اولا انا مش علي
ان احنا نغير نفسنا كلام حلو بس اذاي
ومين هيساعدنا عاتغيير
وان حاولنا نتغير تفتكري حد هيسمح بكده

FTM
ربنا يستر

copa
شكرا على الزياره
وياريت الناس تعمل كده

35L
من غير متقول ان بزورك

Sampateek
شكرا لمتابعتك لمدوناتي
وانا بكتب لما احس ان لكلامي لازمه

Anonymous said...

الى شمس الدين او ربة السيف و القلم

اعتذر لسقوط ردي على تعليقك سهوا وها انا افرد تعليق خاص لكي
واعتز بكونك مداومه الإطلاع على كتاباتي

وردك صحيح و لا غبار عليه و يحتاج الي بوست كامل وليس مجرد رد

اشكرك
و تحياتي

نبض اسكندرية said...

اولا انا مش علي
ان احنا نغير نفسنا كلام حلو بس اذاي
ومين هيساعدنا عاتغيير
وان حاولنا نتغير تفتكري حد هيسمح بكده

انا اسفة جدا جدا جدا

على الخطأ دة وان شاء الله مش هيتكرر

لكن

ازاى دى بايد كل واحد عايز يتغير

بمعنى

الطالب ...ميغشش فى الامتحان
عشان من غشنا فليس منا

الموظف...يأدى شغلة بأمانة وميرتشيش
عشان نخلص فى عملنا لربنا

ممكن البعض يقول بصى للراجل الكبير اللى هناك دة سرق واختلس وقتل وحاجات كتير قوى

جاية تقولى علينا احنا

هقولك كل بناء ولية اساسة الصح

الاصغر هو اساس الاكبر

وكمان نشوف الصلاة اللى بنضيعها
وفروض ربنا اللى ناسينها

والشباب اللى بتشرب زفت

كل الحاجات دى ادت للفساد اللى عايشينة وبنعانى منة دلوقتى

اما مين هيسعدنا

ربنا

حتى يغيروا ما بانفسهم

ومين هيسمح

ومين هيقدر يمنعك عن الحاجات اللى انا قولتها

اتمنى اكون قدرت اوصل عايزة اقول اية

وشكرا على الموضوع الجميل جدا دة

واشكرك على تشريفك المدونة

دكتور مستكنيص said...

ضيعت وقتك وقللت من نفسك بكلامك عن واحدة زي هالة سرحان دي صدقني دي أحقر من إنك تجيبها علي بالك لازم نفهم اللعبة ياجماعة اللعبة اللي بتتلعب علينا كل فترة مرة فاروق حسني والحجاب ومرة هالة سرحان ومرة جزمة مرتضي منصور ومرة....ومرة....واتكلم ياشعب انقد ياشعب طلع كبتك ياشعب وابعد عن تفكيرك في فساد البلد وفي المسجد الأقصي والغلاء والبطالة و...و...و..و
مرتاح كده ياشعب؟ اديك فشيت غلك في اعدائك
خلونا نلعب معاهم بقي ونبطل نبلع الطعم

خطــاب said...

قال الاعلامى عمرو الليثى صاحب برنامج اختراق :
اعلامنا متخلف

كلام لوجيك said...

للاسف الشديد واقعنا المرير يقدر يقولك اننا وصلنا لأدنى مراحل الانحطاط
اعلامنا العربى اصبح يتبارى فى الخلاعة والمجون والسفاهة
لن اطيل عليك بتعليقى فقد سبقنى الكثيرون وأفاضوا كثيرا وقالوا ما كنت اريد ان اقوله
ولكن
ساذكر لك كلمة ساخرة قالها لى ابى على الاعلام المصري والذي يتشدقون بريادته
قال لى
دي مش رياده اعلاميه ... دي بياده اعلامية
والبياده اعزائي لمن لا يعرفها .. هى الاسم الذي يطلق على الحذاء فى الجيش المصري

خالص تحياتى ودمت بألف خير

35L said...

أدعوكم جميعا للمشاركة فى البلوج بتاعى...موضوع مهم بدأت فيه....و أحتاجكم معى

شــــمـس الديـن said...

السلام عليكم و رحمة الله و بركاتة

اعتذر عن قطع الموضوع و الخروج عنه ... و لكن ارجو انت تزوروني علي المدونة

خالص تحياتي للجميع

Anonymous said...

بغض النظر عن ارائك التي من الممكن ان نختلف او نتفق عليها الا ان هناك حقيقه ثابته لاتقبل الشك وهي انك مشروع كاتب جيد و سيكون لك شأن عظيم في الكتابه

kaed said...

عزيزى واحد من النس إنة ليس الإعلام الهادم إنة الإعلام الضائع اللة يولع فيهم بجاز هيا المشرحة ناقصة ميتيين

No Fear said...

السلام عليكم
أنت فين يا عم فين الجديد بتاعك مش كل شوية أدخل و أضيع وقتي و ملاقيش حاجة جديدة كده
بلاش تفتري
سلام

Dalia said...

طول عمرى مابحبش الست دى و عامله نفسها دكتوره ال .. و طبعا لما شوفت اعلانات البرنامج ده ماتفرجتش عليه هي عاوزه تسوء صوره مصر قدام العالم كله و على قناه فضائيه كل العالم بيشوفها

الموضوع كان اوفر اوى بس الحمد لله ربنا كشف الحق و طلعت على الاوربت هتعيط ياحرام و تقول جمهورى بيثق فيا و تعيط ياعينى طبعا هي هربانه فى دبي مش عارفه رجعت ولا لسه

حسن مدني said...

الحقيقة فكرتني بكتاب قرته زامن اسمه
"الناس على دين إذاعاتهم"
ومادام ده إعلامنا، لازم يكون ده حالنا،،

تحياتي

david santos said...

The language cannot be an impediment to the of clarification so that a terrorist as Bush can continue to lie


لغة لا يمكن ان يكون عائقا امام توضيح ذلك ان الارهابي بوش ان تواصل الكذب

موقع الاهلى المصرى 101 said...

ok

free-pedia.com said...

wonderful blog and good work

bookmark us at

encyclopedia of downloads

نادر said...

http://hereisnader.blogspot.com/2010/04/blog-post.html
تفضل بقراءة هذا الموضوع

Anonymous said...

صور اساحبي جديدة عن مرسي 2013
صور شرم الشيخ 2013
صور اساحبي جديدة 2013
صور و نكت اساحبى جديدة عن الصعايدة 2013
صور , نكت اساحبى جديدة عن الشباب 2013
صور , نكت اساحبى عن البنات 2013
نكت مصرية قليلة الادب 2013
صور , نكت اساحبى 2013
مشاهدة قناة 25 يناير بث مباشر
تردد قناة 25 يناير 2013
تردد قناة خمسة و عشرين يناير 2013
الموقع الرسمى لقناه مودرن سبورت modernsport
الموقع الرسمى لقناة الحياة الحمرا
ترددات قنوات النايل سات الجديدة 2013
ترددات قنوات النايل سات الجديدة بعد التعديل
كلمات اغنية "واحشني" جنات 2013
كلمات اغنية "برتاح" رامى صبري
كلمات اغنية "عيشني اكتر" جنات 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
تردد قناة الحياة الزرقاء 2013
تحميل صور شهر رمضان