Thursday, January 04, 2007

لماذا نتزوج

قد يبدو في بادىء الأمر ان ذلك السؤال ساذج ولكن لو وجهت هذا السؤال لأي شخص قد تجده لأول وهله لا يملك اجابه محدده فقط سيبتسم
هل الزواج غايه في حد ذاته ام هو وسيله لبلوغ غايات اخرى

العديد من الناس يتعامل مع الزواج على كونه غايه يصل اليها كل فرد بمجرد ان يكون قادر عليها ,فان كان الأمر كذلك فلما تفشل بعض الزيجات او تستمر رغم تعاستها , هل هذا الفشل هو عجز في الوصول لغاية ما
فمن هنا ارى ان الزواج هو وسيله للوصول لغايه ما ان تحققت تلك الغايه نجح الزواج وان لم تتحقق تلك الغايه تحول الزواج الى عبء او فشل

من ثم اكرر نفس السؤال مره اخرى لماذا نتزوج او بصيغه اخرى ما هي الغايه من الزواج وما الدوافع المختلفه التي تدفع الفرد في اتجاه الزواج ؟

اولى هذه الدوافع هي الحب هذا الشعور اللذيذ الذي يسحر القلوب ويسلب العقول فيجمع بين قلبين ويدفعهما لأن يكملا حياتهما جنبا لجنب ويرتبط كل منهما بالاخر فيرتبطا بالزواج ليتوحد اتجاههما ويسيرامعا كشخص واحد في طريق الحياه

ومن لا يتزوج من خلال الحب يبدأ في البحث عن انسانه ليتزوج او بمعنى اخر يبحث عن زواج الصالونات بأن يذهب لعائله معروف عنها حسن الخلق ويطلب الزواج من فتاه من تلك الأسره. يطلب الزواج من فتاه لم يحبها لم تسلبه قلبه ولا عقله بل ذهب بكامل قواه العقليه ليطلب الزواج منها....فلماذا ؟؟؟

هل يبحث عن الحب ام الجنس ام الأستقرار او لعله يتزوج ليصبح متزوج او لا يعلم لما هو تزوج

الحب
هل يحتاج الحب الى بحث ام ان اقدامنا تعثر فيه فنجد انفسنا وقد احببنا وهل من يذهب لفتاه لا يعرفها ليتزوجها هل ينشأ حب ام نوع اخر من المشاعر لها مسمى اخر ؟ وهل هذه المشاعر اقوى من الحب ام الحب اقوى ؟ وهل هي كافيه لتكون دافع للزواج ويكون الزواج وسيله لبلوغ الحب ؟ هل ينشأ الحب بعد الزواج في ظل اعباء الحياه التي قد تطفىء الحب المشتعل اصلا قبل الزواج ؟
هل هذه المشاعر هي التفاهم ولكن ما الذي يدفع امراه ورجل يفهم كل منهما الآخر لأن يتوزجا ؟
قد تنشأ صداقه او نوع من التفاهم بين رجل وامرأه وكل منهما متزوج ولا يدفعهم ذلك لكي يصبحا زوجين
وليس ذلك النوع من التفاهم او التعود بدافع لجعل فلان يختار فلانه بالذات ولا يستطيع ان يستبدلها بغيرها

اما الجنس او الشهوه وهي اقوى الرغبات الماديه لدى الأنسان لا يوجد له مصرف طبيعي سوى بالزواج ولكن اشباع الشهوه قد يصل اليه الفرد حسب نوعه خلال اي فرد من النوع الآخر ولا يتطلب هذا اختيار معين
وقد تجد بعض المتزوجين يمارسون الخيانه والجنس خارج الزواج بدافع الحب فلم يكن الزواج هنا هو السبيل الوحيد او المصرف الوحيد للغريزه الجنسيه. فالزواج هنا لم يرتبط بالجنس ’ فهل ارتبط الجنس بالحب ؟؟؟
والشهوه تختلف عن الحب ولا يمكن ان تستمر الحياه بلا حب فا لجنس لا يحتوي الحب بينما الحب يحتوى الجنس واشياء اخرى كثيره فالحياه بلا حب تصبح بارده لا طعم لها و الحنس يتحول الى عاده وحديثنا عن الحب يرجعنا الي النقطه الماضيه و تظل الدائره تدور

وبخصوص الأستقرار هذه الكلمه الجميله التي تدل على السكينه والطمأنينه اعرف معناها كأسم وليست كمسمى
لعل المقصود بالأستقرار هو الوصول إلى المستقراو نهاية الطريق الذي يبدأ بالدراسه ثم ايجاد العمل ومن ثم تجميع المال لبناء عش المستقر او الزواج . فهل الزواج هو محطة الوصول التي يستقر فيها الأنسان ونهاية المطاف

وقد يكون المقصود بالأستقرار هو الأستقلال وهو ان يعيش الشخص مستقل بذاته يعول اسره ويهتم بها ويبدأ في تكوين عالم جديد ويعيش احساس المسؤليه كي يشعر الفرد بأهميته في الحياه فما اجمل ان تعيش من اجل الآخر. و هكذا تستمر عجلة الحياه في الدوران وينجب ابناء فيسلكوا نفس المسلك وهكذا حتى نهاية الكون

اما القسم الأخير من الباحثين عن الزواج وللأسف الكبيركثيرون لا يعرف لما يتزوج ولكن لو سألته اجابك بأنه يجب ان يتزوج لأنه يجب ان يتزوج هكذا يفكر بمبدأ القطيع

وقد يكون دافع الشخص للزواج هو اتمام الدين وطاعه لقول الله ورسوله ولكن لو كان القائل فعلا متدين ملتزم يعلم دينه ليس من الذين يأخذون من الدين ما يوافق و يؤيد فكرهم فأهلا بقولهم وياليت كل الناس مثلهم يعلم انه حينما يقبل قول زوجتك موكلتي على سنة الله ورسوله يكون زواجه كله بمني على سنة الله و رسوله
فليست عملية الزواج فقط هي كمال الطاعه ولكن كيفية اداره الزواج ليوافق ارادة الله له
وتكون كل طقوس حياته مبنيه على صراط الله المستقيم ولا يأخذ الدين حجه للرد بل سبب حقيقي

في النهايه انا بالطبع لا اعارض الزواج لأنه سنة الحياه ولكن يجب على كل منا ان ينظر امامه ويستخدم عقله قبل ان يأتي بأي خطوه في حياته خصوصا وإن كانت مصيريه مثل الزواج وان يكون دافعه ناتج من حاجته الى الزواج فعلا والحاجه هي ما ينقص الفرد ولا يستطيع ان يشبعها ذاتيا بل يحتاج لشيء خارجي يستطيع ان يشبع حاجته
ومن هنا يأتي دور اختيار الزوج او الزوجه المناسبين لذلك يأتي الأختلاف بين الأفراد في اختيارهم لشريك حياتهم

فما يناسبك لا يناسبني ولا يناسبها لأننا مختلفون

واتمنى للحميع حياه سعيده موفقه

30 comments:

شيمـــــاء said...

سبحان الله
الموضوع ده جه فى دماغى امبارح والنهاردة
ونفس السؤال
الناس بتتجوز ليه او للامانة اللى جه فى دماغى

الرجالة بتتجوز ليه ؟؟
و بعدين جت بقيت الاسئلة


تناولك للموضوع جميل اوى و مفيهوش اسفاف

تحياتى لتفكيرك العاقل فى الكتابة

واحد من الناس said...

هل وصلتي لأجابه للأسئله

zordeak said...

انا عايز اتجوز يا عم


مليش دعوة اسباب مش اسباب .., بس انا عايز اتجوز


بجد حاجة جديدة .., وموضوع جديد .., انك تخرج من القولبة اللى احنا فيها وتبدا تعيد تفكير فى مسلمات كتير كانت موجودة

اهنيك

شــــمـس الديـن said...

السلام عليكم و رحمةالله و بركاتة

التدوينة دي بجد روعة ...اروع ما فيها بساطتها و لمسها لواقع مهم جدا في حياتنا ... الناس بتتزوج ليه ؟؟؟

الموقف دا فكرني بمنطقي في التفكير في موضوع الزواج ... مرة حصل موقف زمان كدا انه كانت فيه واحدة صاحبتي مرشحة لي شخصية ما , فمن ضمن الاسئلة اللي قولت لها عليها ...هو عايز يتزوج ليه ؟؟؟ و بعدين قولت لها هو ايه مواصفاته ...قالت لي من ضمن المواصفات انه عايز واحدة هادية .. قولت لها قولي له اني مش هادية و عندي عرق ضارب ... قارت لي ايه يا بنتي دا انت كدا هتطيري العريس ...قولت لها نعم ! هم انا عايزة احصل علي عريس و السلام ولا ان الواحد يلاقي انسان مناسب له و يكون فيه صراحة بين الطرفين من الاول !!!!

علي فكرة انت استعرضت نقاط كثيرة اوي

من ضمنها و اللي استرعي انتباهي انه انت ركزت ان الانسان لما بيتجة لزواج الصالونات مش دا بيكون عيب فيه ... ممكن يكون اتعامل مع ناس و لكن ملاقاش اللي بيدور عليه ... و مش شرط انه علشان اتجة للصالونات يبقي هيرضي باي حد , بردوا ممكن الواحد يلاقي اللي بيدور عليه و ممكن لأ ...

الرك علي الانسان نفسة
الحب و المشاعر بتبان اذا كانت هتطور ولا هتفل علاقة عادية ...و دا بيحصل لو لاقيت نصفك الاخر في اي حتة ( اقارب , جيران , زمالة كليه , زمالة عمل , زمالة نادي , نت , زواج صالونات , او حتي و انت ماشي في الشارع )

العقلاء من الناس لا يتزوجون من اجل الزواج و خلاص ... يعني بمعني اخر الزواج بيكون عندهم وسيلة و ليس غاية في حد ذاتة ...

انا عن نفسي من اهداف الزواج عندي اني اجرب اني احب و اتحب ... و اخاف علي حد و حد يخاف عليا (اتذوق حلاوة الدنيا مع حبيب في الحلال يعني ) ... نواجة الحياة معا بقمة المشاركة في كل شئ و ليس بمفردي ... ان اشعر بالامان و الاستقرار ... و اشعر باستقلالي ممثلا في ان اتحمل مسؤولية منزل و ابناء و لا اريد ان اقول الكلام الذي تم تفريغة من معناه انني اريد ان اكون نواه مجتمع صالح مستقر , و ان اقدم للمجتمع ابناء صالحين اسوياء و بهذا اكون فردا صالحا و خادما لامةالتي اعيش فيها ...

و لا اعترض علي اي اسلوب في التعرف علي شريك المستقبل لان هناك شروط عقلية و قلبية لابد من توافرها ...

انني لا انكر انني اريد ان اتزوج و لكن ليس هذا معناه انني اريد ان احصل علي اي زوج و السلام ولا افكر في كل هذه الاشياء و اتنازل حتي اصل لدرجة التمثيل في فترة الخطوبة كي اتمم الزيجة ... و لكن ان لم اجد نصيبي ليست مشكلة بتاتا و سأرضي بما كتبة الله , بل انني اخطط لحياتي في حالة ان لم اتزوج و سوفا ستمتع بها ...

اعتقد اساسا انه لو لم يكن واضحا هدف الزواج من الاساس فسوف تفشل هذه المؤسسة فشلا ذريعا ... و الشاهد علي الامر كثرة معدلات الطلاق الغير مسبوقة ...

اتمني للجميع السعادة و الهناءو الاستقرار


مقالة جميلة و اتمني لحضرتك ان تجد اجابة عما يجول بذهنك

Anonymous said...

ربنا سبحانه و تعالي قال "...خلقنا لكم من أنفسكم أزواجا لتسكنوا اليها..."
يعني لو مش هتتجوز علشان الحب و كل اللي أنت قولتو يبقي علشان الزوج أو الزوجه سكن من الله لك في الدنيا ...

يا مراكبي said...

بصفتي متجوز من عشر سنين ومش عن حب .. أحب أقول لكم ليه الرجالة بتتجوز لو مافيش حب


لكن قبل ما أبدأ كلامي أحب أقول إن الجواز عن حب أحلى وأحسن لو موجود

المهم

أولا الحاجة إلى الإستقلال .. كل واحد أو واحدة بييجي عليهم وقت بيحبوا يطبقوا النظام اللي يريحهم هما في البيت .. مواعيد الأكل والشرب وترتيب البيت إلخ .. ده سلوك طبيعي ولا يتنافى مع حبنا لأهالينا

ثانيا .. الإحتياج الغريزي للأنثى والأولاد .. أي راجل طبيعي بيحتاج شريكة لية تكمل ليه طباعه وصفاتة .. والعكس صحيح .. وكمان أغلب الناس بيحتاجوا إنهم يكونوا عندهم أولاد اللي هما من زينة الحياة لدنيا

طبعا الغريزة الجنسية موجودة في البند السابق ولا يمكن إهمالها بسهولة

مهما حاولنا نتخيل إن فيه إتنين صحاب مرتبطين جدا .. دايما العلاقة دي بتكون أقل من علاقة الزواج نظرا لتميز الأخيرة بخصائص لا تكون إلا بين الزوجين

الخلاصة .. هو ضغط نفسي أنا شايفه طبيعي إنه يدفع الإنسان دفعا نحو البحث عن زوجة وليست حبيبة وخصوصا لو إنتظار الحبيبة هايطول ويطول

القرآن لما إتكلم عن العلاقة بين الزوجين قسمهما على مرحلتين .. المودة والرحمة .. وماقالش الحب .. لأن المودة والرحمة أكبر من الحب

يا مراكبي said...

وبالتالي لازم نعرف إن جواز الصالونات مش عيب في سبيل تحقيق الأهداف السامية اللي هاتيجي كنتائج للزواج .. فالزواج ليس غابة بحد ذاتة لكنه وسيلة لما هو أرقى زي ما قلت قبل كده

طبعا هو غريب جدا إن الواحد يحب واجدة ما كانش يعرفها قبل كده لكن الحب ده هو المودة اللي إتكلم القرآن الكريم عنها

No Fear said...

السلام عليكم
مدونة في محلها بصراحة
شكرا واحد من الناس
و شكرا شمس الدين
و شكرا الأستاذ المراكبي علي الإفادة

شيمـــــاء said...

لا موصلتش لان فيه تفاوت

المنتشر بين الناس ان الراجل بيتجوز علشان يعف نفسه ولا علشان لازم يكون عنده بيت او علشان ينسى حب او او او

مش عارفة مصداقيتها ايه الاجابات دى
بس اكيد فيه رجالة بتفكر تتجوز علشان خاطر عايزة تعيش حياة كويسة او بتحب واحدة كويسة او او او

مش عارفة
معرفتش اوصل لاجابة

بس انجح الناس اللى بتتجوز ابتغاء مرضاة الله و فى نفس الوقت بتفكر كويس فى مواصفات الناس اللى هتتجوزها
مش جواز و السلام

بس برضه معرفتش الاجابة
انت اكيد تعرف اكتر بما انك راجل

واحد من الناس said...

zordeak
عايز تتجوز اتجوز و مبروك كقدما بس اه حاجه تشوف انت رايح فين

شــــمـس الديـن
ارائك تنطوي على قدر كبير من العقل و التفكير الواعي و السليم
وفقك الله في اختيار شريك حياتك

Anonymous
بس اهم حاجه ان الي انت بتقوله يكون نابع منك مش بتكلم من افواه الآخرين

يا مراكبي
انا مش عارف افهم ايه هي الموده
انا اعرفها ككلمه لكن ماذا تعني فعليا

No Fear
العفو بس فين رايك

shaimaa
انا كمان معرفش سبب مسلم بيه بسبب تفاوت طبيعة البشر فلكل فرد سببه وما اردت ان الفت النظر اليه ان الانسان يجب ان يحدد سببه من الزواج من خلال نفسه ولا يرى ويسمع من عيون الآخرين

ودمتم سالمين

Tamer Nabil Moussa said...

انا عايز اتجوز عشان دى سنة الحياة والجواز يحمى الانسان من بلواى كتيرر بتحصل

وبعدين الجواز وحب الاطفال دى غريزة جوة الانسان وذكرها فى القران يغنى عن اى اجابة اخرى الا ولو كانت افكار احترمها لكن لامختلف على الاصل

تحياتى

يا مراكبي said...

سؤالك هو أجمل سؤال عدى عليا لحد دلوقت

لما تحب مراتك وكأنها حبيبتك وعشيقتك وأختك وأمك .. لما تتخانقوا تفتكروا إن كان فيه لحظات حلوه بينكم .. لما تقلقوا سوا لما واحد من الأولاد يتعب ولا يتعور .. لما تزعلوا جامد لما حد فيكوا يتعب .. لما تعدي عليكم أيام فيها ضيق الحال وتستحملوا بعض .. لما بريق الشباب والجمال يبدأ يزول وتفضلوا حاسين إنكم لسه شباب .. لو حصل خلاف كبير ماحدش يستندل ولا يقل بأصله في تصرفاته .. هي دي المودة

الخلاصة .. لما يكون اللي بينكم أكبر من لحظات الحب وبتشمل حاجات تانية كتير في أوقات جايز مايكونش فيها الوقت مناسب للحب .. يبقى هي دي المودة

أحمد الشمسي said...

شوف... مشكلة كتير مننا انهم بيتجوزوا نظام كمالة! يعني بيحس انه خلص تعليمه وبيشتغل يبقى إذن لازم يتجوز! مش بقول ان الأسباب اللي انت قلتها مش صحيحة لكن لازم تاخد بالك ان فيه ناس مش بتفكر أصلا بالطريقة دي... هي بتفضل ماشية مع التيار لحد ما تيجي الست الوالدة تقوله انت خلاص مش كبرت ولازم تفرحني يقولها ماشي تقوم منقياله واحدة ويخلص الموضوع على كده! يعني فيه ناس مش بسأل نفسها أصلا: أنا بتجوز ليه؟

الزعيـمة said...

يوم ما الواحد يفكر يتجوز يباه عايز شريك فى حياتة وفى حلوها ومرها

عايز حد يشاركة همومة وافراحه ويعينة على امواج الحياه

عايز حد يتكلم معاه بصدق وحنية ويحس جنبة بالامان والاطمئنان

مش بس اطفال واستقرار

بوست جميل

ارق تحياتي لك

kaed said...

و اللة يابنى انا خايف أتجوز علشان المسئولية هو أنا عارف أصرف على نفسى لما أصرف على حد تانى

Anonymous said...

tamer
الطبع لا يوجد اختلاف على الأصل
انا فقط انظر للمووع من وجهة نظر المنطق خلف الفعل

يا مراكبي

شكرا على متابعتك للردود واتمنى ان يجد كل فرد الموده تلك التي تنقص العديد من البيوت

أحمد الشمسي
مش كل الي بيمشي مع التيار بيوصل لبر الأمان

الزعيمه
كلامك جميل بس ازاي الواحد يوصل للي انتي بتقوليه

kaed
ربنا يعينك بس لما تبقى غني هتتجوز ليه؟؟؟؟
ومتنساش ان الفلوس مش كل حاجه يعني الي عايز يتجوز بيتجوز بس الأهم ايه السبب

شكرا للجميع على لمشاركه
واتمنى المزيد من التفاعل

Anonymous said...

ههههه
انا اتجوزت علشان اتفرج على بيت العدل
علشان كانوا عواجيز علتنا دايما يقولولي يا رب نشوفك في بيت العدل
كاني كنت في بيت العوج

المهم
اتجوزت
و رايي بعد 14 سنة جواز







الجواز كويس بس لو من غير بذر يبقى احلى

Tamer Nabil Moussa said...

السلام عليكم

فين الجديد ياواحد من الناس

فى نتظار الجديد

تحياتى

Unknown said...

أولا احييك على مدونتك الجميلة

ثانياً السؤال المهم
الناس بتتجوز ليه ؟؟؟
فراغ مثلا؟؟
اكيد لا دى سنة رسول الله عليه الصلاة والسلام لتكوين نواة فى بناء المجتمع
وإن الواحد يخرج للمجتمع اطفال صالحين يقدروا يفيدوه

فى معانى تانية اسمى بصراحة
ارتبط بحد نشارك بعض فى عبادة ربنا ونعين بعض على كدة .. جميل إحساس المشاركة ده .. ندعى سوا .. نبكى من خشية الله سوا .. نروح عمرة سوا .. نحج سوا.. انجب اطفال يسجدوا لله ويعبدوه .. اولاد تفتكرنى وتدعيلى بعد مماتى ويعملولى الخير ويبقوا باريين بيا انا ووالدهم
طبعا الكلام ده مش عايز واحد عايز يتجوز وخلاص
عايز حد عنده هدف من الزواج واللى للأسف نادر إنك تلاقيه فى اليومين دول

لحد هنا كويس .. إنى ابقى عارفة لو اتجوزت هتجوز ليه وعشان ايه .. مش مجرد زفة وفرحة وهيصة وخلاص
الموضوع فعلا كبير
بس للأسف الشديد كتير جدا فى الوقت ده تلاقى الناس بتتجوز عشان الجواز نفسه مش لأى هدف تانى
ممكن الهدف يكون شكل إجتماعى مش اكتر او هدف مادى
والدها غنى مثلا عندهم ارض وهكذا
أحييك على اسلوبك الجميل
سلام عليكم

Anonymous said...

sampateek
نورتي المدونه
بس يا ترى ايه هو البذر

tamer
متستعجلش

Human
انت فعلا انسانه
كلامك رائع
بس فين اللي بيفكرةا كده دلوقتي

Dr.Diamond86 said...

هو فعلا موضوع مهم
احنا بنتجوز ليه
ممممممممممممم
انا اعرف احنا كبنات بنتجوز ليه
باتجوز علشان الاقى انسان يخاف على واخاف عليه يشاركنى فرحه وهمومه نفرح مع بعض بحياتنا واولادنا ونستحمل مع بعض ضغوط الحياة ومشاكلها
نعامل بعض بالمودة والرحمة زى ربنا ما قال
باتجوز علشان الاقى حد يعينى ساعات على نفسي لو اخطأت وأعينه كمان على نفسه لو أخطأ
بأتجوز علشان أحب وأعيش الحب ف النور وف الحلال من غير تأنيب ضمير أو معصية لله
بأتجوز علشان أعمل عيلة وأحس أن لى وجود
بس لو مجاش الانسان اللى يكملى حياتى واللى بعقله وقلبه يفهمنى يبقى هأكمل حياتى وحيدة
بس أنا مش عايزة يكون عندى 50 سنة وأنا وحيدة ومش عارفة أمشي لوحدى من غير مساعدة حد وملاقيش حد جنبي لا زوج ولا ابن.....
بس ليه انتوا يا شباب بتتجوزوا؟؟؟
انت تعرف اكتر...

مـحـمـد مـفـيـد said...

واضح اني جيت متأخر
احييك علي تناول الموضوع بعمق
اعتقد بصفه اني رجل متزوج انها ضروره من ضروريات الحياه

We2am said...

mm..
والله هو الفكره اني شايفاه وسيلة للوصول لاشياء اخري..
تناولك للموضوع جميل..ومنظم :)

Dr. Tantawy said...

أنا اسف اني اتأخرت في الرد
و أسف اني مقرأتش موضوعك قبل ما اكتب تدوينتي :) لأنك عاملها باسلوب جميل و بادئها بسؤال جميل .. لليه بنتجوز ؟؟


بصراحه اسبابك جميله و منطقيه :) و اللي عاجبني اكتر . انها متدرجه .. يعني و احنا صغيرين بنبدأ بالحب و المشاعر .. بعد كده تيجي الرغبه الجنسيه و اخيرا لما بنكبر و نعقل بيكون الاستقرار

بالنسبه ليه انا .. بعيد عن الاستقرار و الرغبه الجنسيه و الحب .. ف أهم حاجه عندي هيه خليط من دول كلهم .. اللي بيتخلي قابليه حدوث كل ده منطقيه .. و هيه الكميا .. او اللي احنا بنسميها تفاهم

يعني لو انته حصل ( كيميا ) بينك انت و بينها .. هيحصل ايه ؟؟ هيبقى في تفاهم بينكم دايما .. و بالتالي حيكون حب مستمر مش حب بتاع شكل و لبس و حركات
و لو في كيميا برضه .. هتكون الرغبه دي ليها احساس اخر يمنع حدوث ملل من تكرار العلاقه دي بين الازواج
و لو في كيميا .. هيكون البيت مستقر .. مش كل يوم خناقه و كل ساعه اختلاق في وجهات النظر

اسف اني طولت اكتر من التدوينه كمان هههه بس حبيت اقول رأي باستفاضه لان الموضوع زي ما انت عارف مهم


تحياتي :)

Anonymous said...

انا احتمال او اكيد انى برد على الموضوع ده متأخر ، بس انا اول مرة اشوفه و عجبنى قوى ،
فى رأيى ان الزواج وسيلة مش غاية ، لانه لو غاية يبقى هيفشل اول ما يبتدى لانك هتكون خلاص وصلت لغايتك ، اما لو وسيلة ، وسيلة للوصوصل لغاية السعادة و الب والامان و الاستقرار هتفضل تعمل من اجل تحقيقهم ، و انا رأيى ان مفيش حاجة واحدة ينفع تكون هى الهدف من الزواج ، بس لازم يكون الزواج وسيلة لتحقيق كل هذه الاهداف

Anonymous said...

اخوانى الكلام كتير عن جواز ما يسمى بالصالونات وان اللى بيتجوز بالطريقة دى يبقى مبيحبش سؤال اية هو الحب ...... الحب برأى هو فالاول استعداد فمثلا يدخل الجامعة كا شاب وفتاة وفى راسة عبد الحليم حافظ وافلام الحب اى بمعنى اخر هو مهيأ للجنس الاخر اى كانت صفاتة وان كانت فى اوقات كثيرة لاتناسبة شخصياويبدا الاعجاب بالاقتراب ومع صعوبة الحياة واستحالة الجواز يتحول الامر الى تحدى فيكبر الحب بالاشتراك فى تحدى الصعاب أى ان الحب هو استعداد ومثلة التقدم للجواز هو ايضا استعداد للحب ولكن دون ضغوط ومن هنا اما يبدا الحب الهادى او ان لايناسب كل منهم الاخر فلا تتم الخطبة ويبحث كل منهم عن اخر فالفرق فى راى بين الحب بعيد عن البيت وحب الصالونات هو عقلانية الحب أو النضج أما من يتجوز عن طريق الصالونات دون ان يحبها ويقتنع انها من يبحث عنها فقد ظلم زوجتة قبل ان يظلم نفسة والكلام بمنطق ان كل جواز عن طريق البيت هو زواج بدون حب وشيوعة دفع البنات للخوف منة والبحث عنة بعيدا عن البيت فوقعن اكثرهن فالرزيلة........اما عن سؤال لمازا نتزوج فهو مثل سؤالنا لمازا نأكل فكلاهما غريزة بشرية الفرق بين ان تتزوج اوان تشبع غريزتك من حرام كالفرق بين ان تأكل من عمل يدك اوماتسرقة فمن يخاف اللة ولايقدر ان يصوم عن اشباع غريزتة من الاكل او الجنس فليعمل ويتزوج

Anonymous said...

السلام عليكم
احبك اولا اشكرك على هذه المدونه وعلى الموضوع المهم ده ثانيا طبعا انا متاخر عليك فى الرد لكن دى اول مره افتح مدونتك , احب اعرف منك هل التعرف على شريك الحياه لابد ان احبه قبل الزواج كيف ؟وفى اخر مقالك قلت انه لازم يكون على سنة الله ورسوله وهل سنة الله ورسوله تسمح لك بمعرفة فتاه و الدخول معاها فى اى علاقه قبل الزواج حتى اعرف انى احبها ام لا ؟ وهل فعلا سيكون هو الحب ام ؟؟؟!!! كما نسمع كثيرا حب قبل الزواج وعذاب بعده او موت الحب بعده ؟ دلنى بالله عليك كيف اختار شريكة حياتى ؟

: بسام حكار said...

من كان يعتقد انه يستطيع ان يكمل حياته بدون شريك عمر , فيهو بالتاكيد شخص غير سوي, انا الان غير متزوج واحس ان الكثير من الشاكل النفسية التي اعانيها مردها ’ الى حياة العزوبية التي اعيشها الان ,
من جهة اخرى لا استطيع ان اقبل باي انثى ان تشاركني حياتي الخاصة ,القظية ليست متعلقة فقط بالاشباع الجنسي وحده الامر اهم من كل هذا , صدقني هناك حياة اخرى تنتظر من يجد الزوجة الصالحة , اما ان كانت العكس فهناك هم اخر يجعلك تندم على اليوم الذي رايتها فيه. شكرا على النص .

موقع تعليم الفوركس للمبتدئين اون لاين said...

v


مرحبا بصديقى العزير
فى الحقيقه انبهرت بمدونتك جدا
واعجبنى تصميمها البسيط
ثانيا من كامل سعادتى ان وافقت على تبادل روابط بينى وبينك
فى المدونات
اختار اى مدونه من المدونات التاليه
شكرا لك يا غالى

موقع الزمالك




موقع اخبار الكورة المصرية,الاوربية,العالمية,الاهلى



موقع تعليم الفوركس للمبتدئين اون لاين

موقع شباب بيك

موقع جوجو الشامل

موقع النادى الاسماعيلى ,اخبار الاسماعيلى

موقع الاهلى المصرى 101
بمنتظرك تعلييق فى المدونه
لك كامل الشكر يا مان

Anonymous said...

صور اساحبي جديدة عن مرسي 2013
صور شرم الشيخ 2013
صور اساحبي جديدة 2013
صور و نكت اساحبى جديدة عن الصعايدة 2013
صور , نكت اساحبى جديدة عن الشباب 2013
صور , نكت اساحبى عن البنات 2013
نكت مصرية قليلة الادب 2013
صور , نكت اساحبى 2013
مشاهدة قناة 25 يناير بث مباشر
تردد قناة 25 يناير 2013
تردد قناة خمسة و عشرين يناير 2013
الموقع الرسمى لقناه مودرن سبورت modernsport
الموقع الرسمى لقناة الحياة الحمرا
ترددات قنوات النايل سات الجديدة 2013
ترددات قنوات النايل سات الجديدة بعد التعديل
كلمات اغنية "واحشني" جنات 2013
كلمات اغنية "برتاح" رامى صبري
كلمات اغنية "عيشني اكتر" جنات 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
تردد قناة الحياة الزرقاء 2013
تحميل صور شهر رمضان